Irunlarrea, Oroimenaren Lorategia, Nafarroako Ospitalegunean dago, eta baitaratzerako, hausnarketarako, komunikazio isilerako eta Covid19-ak eragindako pandemiaren biktimak omentzeko gune bat da.

Irunlarrea webgunea, lorategi fisikoaren aldi berean JAIOA, herritarren eskura dagoen espazio birtuala da, gure oroitzapenak, esperientziak eta sentimenduak azalduz partekatuko duguna.

Lorategia minari, inpotentziari… aurre egiteko herritarren ekimen altruista batetik jaio zen, baloratu, erantzun eta maitasunez, enpatiaz eta erresilientziaz komunikatzen den ekintza komunitario positibo baterako proposamen batetik.

Irunlarrea bizipen desberdinetatik gogoratu, ikasi eta gizarte hobe baterako ekarpenak egin nahi dituzten pertsona askoren laguntzaz HAZIKO da.

Oroimenaren Lorategiak begiradak bilduko ditu, bere harresiek ahotsik gabeko pentsamenduak entzungo dituzte, eta Irunlarrea webguneak esperientzia, hausnarketa eta sentimendu horiek erakutsiko ditu.

Irunlarrea webgunea LORATU egingo da, eta bere fruituak ekimen anitzen bidez erakutsiko ditu, analisia, aitortza eta sentikortasuna ekarriz, oraina hobetzeko eta ikasten ikasteko, etorkizuneko erronkei aurre egin ahal diezaiegun.